''గజల్ మహల్ - 04-1''// 608 //
నన్ను ఎపుడు చూసినాడొ..నా మనసుకు తెలిసెనేల..!?
నన్ను ఎలా పిలచినాడొ..నా తలపుకు తెలిసెనేల..!?
నే వచ్చిన సంగతినే..ఎరిగి కూడ..కను విప్పడె..!?
నన్ను ఎంత వలచినాడొ..నా సొగసుకు తెలిసెనేల..!?
నా చిత్రము గీయుటలో..విచిత్రమతని ఆ వైఖరి..!
సృష్టినెటుల చూసినాడొ..నా చూపుకు తెలిసెనేల..!?
నేను తనను చూసినట్లు..గుర్తులేదు రవ్వంతయు..!
నన్నేలా కొలిచినాడొ..ఈ వనముకు తెలిసెనేల..!?
అయస్కాంత శక్తి కదా..ప్రకృతిపురుష..తత్వాలది..!!
రంగులేల దిద్దినాడొ..కాన్వాసుకు..తెలిసెనేల..!?
నా పాలిటి 'మాధవుడే'..వీడేమో..చెప్పలేను..!
మదినేలా గెలిచినాడొ..తొలివలపుకు..తెలిసెనేల..!?
మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు
