నవ్వుతూ ఉండాలి

615..
పువ్వులా నువ్వలా..నవ్వుతూ ఉండాలి..!
తోడుగా నీడలా..వెలుగుతూ ఉండాలి..!
ఓ చినుకు గూటికే..స్వరముగా నిండగా..
మౌనాల గీతిలా..మ్రోగుతూ ఉండాలి..!
ప్రసవించు ఆవేదన..ప్రణవాన దాగెనే..
చిన్నారి శిశువులా..ఆడుతూ ఉండాలి..!
శ్వాసలో శ్వాసకే..దారమే నీవుగా..!
ఎపుడైనా సాక్షిలా.. ఒదుగుతూ ఉండాలి..!
పలుకుకే పదునువై..రచనలో కురియుమా..!
పాటలో ధారలా..సాగుతూ ఉండాలి..!
'మాధవా' రాధనే..ఏలరా..వీడకే..!
పాలలో వెన్నలా..మసలుతూ ఉండాలి..!

మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు