నీ చిన్ని నవ్వుతో - ప్రేమ

347..
నీ చిన్ని నవ్వుతో మురిసేను లోకాలు..!
నీ కంటి చూపుతో విరిసేను విశ్వాలు..!
సెలయేటి పాటలకు స్వరములే కూర్చేవు..!
నీ మౌన దీప్తితో కురిసేను మేఘాలు..!
వెన్నెలకు స్వప్నాల వనములే చూపేవు..!
నీ పలుకు ధారతో..పొంగేను రాగాలు..!
ఏ కణము కాకణము..శతకోటి వీణలై..
నీ వేణు రవముతో..పంచేను స్నేహాలు..!
నా గుండె కడలిలో..అలజడులు మాన్పేవు..!
నీ అడుగు జాడతో..తొలగేను దాహాలు..!
'మాధవా' రాధతో..నీ క్రీడా సాక్షిగా..!
నా శ్వాస శ్వాసతో..వదిలేను మోహాలు..!