బుద్ధులెవరు నేర్పగలరు..!  కరోనా

గజల్ 3731. 

గబ్బిలాలు తినువారికి..బుద్ధులెవరు నేర్పగలరు..! 

పెనుప్రమాద ఘంటికలిక..ఇప్పుడెవరు నిలుపగలరు..!

ఏమి సైన్సు మందులేమి..ప్రయోగాల ఫలితమేమి.. 

పశుపక్షుల బలులన్నీ..అసలెవ్వరు వీడగలరు..! 

సహజమైన ప్రకృతితో..మమేకమై జీవించరె.. 

ఈ చదువుల తెలివిలోన..సత్యమెవరు అందగలరు..! 

రాకెట్లతొ దూసుకెళ్ళి..సాధించిన ఘనతలేమి.. 

జాబిలింటి రాళ్ళతోటి..రాజ్యమెవరు ఏలగలరు..! 

అనుకునేది ఒకటయితే..అయ్యేదే వేరొకటా.. 

ఎందుకిలా జరిగేనను..జ్ఞానమెవరు అందగలరు..! 

అహంకార సంద్రానికి..తీరమేది మాధవుడా.. 

నీ సన్నిధి హృదయమనే..చోటునెవరు నిలువగలరు..!