ఏమివ్వను కానుకగా

404..
అంత లేత అందాలకు.. ఏమివ్వను కానుకగా..!?
ఆ మృదువగు హాసాలకు.. ఏమివ్వను కానుకగా..!?
కలలెరుగని ఆ కన్నుల స్నేహ మధువు కురుస్తోంది..!
వగలెరుగని మురిపాలకు.. ఏమివ్వను కానుకగా..!?
అమాయకపు చిత్రంలా చూస్తున్నది నాకొరకే..!
ఆ కన్నియ రాగాలకు.. ఏమివ్వను కానుకగా..!?
అరుణారుణ మందారపు నిధులున్నవి ఆ సొగసున..!
సిగ్గులొలుకు ఆధారాలకు.. ఏమివ్వను కానుకగా..!?
అభిసారిక వలపు వీణ పలుకుతున్న స్వరములలో..
నినదించే విరహాలకు.. ఏమివ్వను కానుకగా..!?
'మాధవు'డా..! తెలుపుమింక..నా రాధిక చేరు దారి..!
తనదు ప్రేమ స'రసాలకు.. ఏమివ్వను కానుకగా..!?

మాధవరావు కోరుప్రోలు. 
హైదరాబాద్
https://te.wikipedia.org/wiki/కోరుప్రోలు_మాధవరావు