ప్రేమలేఖ అవుతానా

468..
ఈ జన్మకు నీ పదముల - ప్రేమలేఖ అవుతానా..!?
మౌన వీణ సరాగముల - సరసలేఖ అవుతానా..!?
కలలన్నీ కథలాయెను - తీరనిదే నా వేదన..!
కలహంసల పల్లవముల - చంద్రలేఖ అవుతానా..!?
కదలాడే చిరుగాలుల - పయ్యెదలే పలకరింప..!
గమ్మత్తుల పరిమళముల - హంసలేఖ అవుతానా..!?
వేదమేదొ..నాదమేదొ..?! - తోచదాయె ఏమి మాయ..?!
తియతియ్యని నవరసముల - పనసలేఖ అవుతానా..!?
ఓ సాక్షిగ ఉండలేక - జగడమేల చేస్తానో..?!
కవ్వింతల పరాగముల - వజ్రలేఖ అవుతానా..!?
రాతిపైన చినుకులాగ - జారలేక పోతానేం..!?
వేణురాగ మాధవముల - హాసలేఖ అవుతానా..!?

మాధవరావు కోరుప్రోలు. 
హైదరాబాద్,
https://te.wikipedia.org/wiki/కోరుప్రోలు_మాధవరావు