477...
వెలుగుతున్న దివ్వెలెన్నొ ~ ఒక్క చినుకు కోవెలలో..!!
చితుకుతున్న రవ్వలెన్నొ ~ ఒక్క బ్రతుకు కోవెలలో..!!
జన్మచిత్ర పటములెల్ల ~ కులుకుతున్నవెందులకో..?!
రగులుతున్న వలపులెన్నొ ~ ఒక్క తనువు కోవెలలో..!!
దృశ్యకావ్యమేలు కనుల ~ నిండుతున్న సంపదేమొ..?!
దూకుతున్న యేరులెన్నో ~ ఒక్క చూపు కోవెలలో..!!
మౌనాలకు సాక్షియౌచు ~ మరుగుతున్న భావనలో..
మ్రోగుతున్న మువ్వలెన్నొ ~ ఒక్క పలుకు కోవెలలో..!!
స్వచ్ఛమైన ప్రేమ విలువ ~ చాటుతున్న శాంతి సీమ..
నవ్వుతున్న పువ్వులెన్నొ ~ ఒక్క మెతుకు కోవెలలో..!!
మైత్రివనములోన నిలచి ~ వెలుగుతున్న 'మాధవు'డా..!
పండుతున్న తలపులెన్నొ ~ ఒక్క మనసు కోవెలలో..!!
మాధవరావు కోరుప్రోలు.
హైదరాబాద్,
https://te.wikipedia.org/wiki/కోరుప్రోలు_మాధవరావు
