వాసంత సీమరో

531..
తనువంటె పరువాల.. వాసంత సీమరో..!
మనసంటె మధుపాల.. వాసంత సీమరో..!
దీక్షతో ఆరోగ్య నియమాలు పాటింప..
నీ భవిత దీపాల.. వాసంత సీమరో..!
దరహాస చంద్రికలె..మంత్రాలు అయ్యెనా..
జగమెల్ల స్నేహాల.. వాసంత సీమరో..!
చూపుల్లొ ప్రేమయే..జల్లుగా కురియంగ..
అణువణువు అందాల.. వాసంత సీమరో..!
బంధాల నీడలకు..నీళ్ళు వదిలావంటె..
అడుగడుగు మౌనాల.. వాసంత సీమరో..!
'మాధవు'ని తత్వమే..మదిలోన వెలిగితే..
నీ మాట వేదాల.. వాసంత సీమరో..!

మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు