ఆ కిటికీ మాటు నుండి

539..
అర కన్నుల నవ్వనేల.. ఆ కిటికీ మాటు నుండి..!?
తడి కన్నుల చూడనేల.. ఆ కిటికీ మాటు నుండి..!?
నీ ఎదలో దాచుకున్న..ఆ ప్రేమకు సాక్షి ఎవరు..?1
మౌనముగా పాడనేల..ఆ కిటికీ మాటు నుండి..!?
బాధంతా దిగమింగుతు..మధుర మందహాసాలా..?!
అంత బాగ సాధ్యమేల..ఆ కిటికీ మాటు నుండి..!?
అనుబంధం ఆప్యాయత..ఎంత గొడవ చేస్తాయో..!?
ఆ కన్నుల చూపనేల..ఆ కిటికీ మాటు నుండి..!?
పాలపుంత లాగ నువ్వు..నా శ్వాసల ఉన్నావుగ..!
నీ ప్రియునే గాంచవేల..ఆ కిటికీ మాటు నుండి..!?
ప్రశ్నలతో వేదించే..జాబిలితో ముచ్చటలా..!?
మాధవు'తో మాటలేల..ఆ కిటికీ మాటు నుండి..!?

మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు