వెళ్ళినావు కదా

554..
అనుభవాల తేనియలను.. కురిసి వెళ్ళినావు కదా..!
అందమైన దారేదో..వేసి వెళ్ళినావు కదా..!
నిన్నంటే గత క్షణం..నేడంటే ఈ'క్షణమే..!
జ్ఞాపకాల పూలతోట..నిలిపి వెళ్ళినావు కదా..!
రేపటితో అనుబంధమె..మరుక్షణం అనుక్షణం..!
నీతో నా చెలిమిబాట..చూపి వెళ్ళినావు కదా..!
ఏ క్షణమూ నిను మరువక..స్వాగతింతు మధురముగా..
యుగయుగాల చెలిమి పాట..నేర్పి వెళ్ళినావు కదా..!
కనురెప్పల కొలువుసాక్షి ..బహు చక్కని చిత్రసీమ..
పెను నిద్దుర నిఘంటువున..దాచి వెళ్ళినావు కదా..!
క్రొత్తవర్ష మొచ్చేనను ..ఆనందం అందించే 'మాధవుడా'..!
మోయలేని విరహాలను..దించి వెళ్ళినావు కదా..!

మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు