వెన్నెలలే నీ నవ్వులు

594..
సజీవమౌ జ్ఞాపకాల.. వెన్నెలలే నీ నవ్వులు..!
పసిడిపూల మెరుపువాన..మల్లియలే నీ నవ్వులు..!
కను రెప్పల దుప్పటిలో..నిదురించే కలహంసా..!
పయనించే మేఘమాల..పదలయలే నీ నవ్వులు..!
పైరు పచ్చదనములలో..అలరారే వెలుగుబాల..!
గింజగుండె రాగభావ..మధురిమలే నీ నవ్వులు..!
ఏ ఋతువున కారుతువు..పూలరుతువు చేస్తావే..!
వహ్వారే నిత్య నాద..సరిగమలే నీ నవ్వులు..!
వలపుగిరులు దూకుతున్న..సెలయేరుల సాక్షి నీవు..!
కావ్యగతుల మౌనధార..స'రస కథలే నీ నవ్వులు..!
దారిచూపు 'మాధవ'నిజ..సన్నిధేగా..బృందావని..!
రాధామది వేణుగాన..స్వరసుధలే నీ నవ్వులు..!

మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు