ఆనందం

229..
నీ నవ్వుల వెన్నెలలో విహరించుట ఆనందం..!!
నీ చూపుల పానుపులో పవళించుట ఆనందం..!!
అందమైన నీ మౌనం అద్భుతమే ఓ చెలియా..!!
నీ వెచ్చని అడుగులలో పయనించుట ఆనందం..!!
ఏమైనా ఎపుడైనా నీ తోనే జీవితమే..!!
నీ తియ్యని తలపులలో పులకించుట ఆనందం..!!
నీ మువ్వల సవ్వడికే ఓ సాక్షిగ నిలిపేవా..!!
నీ వాడని వలపులలో లాలించుట ఆనందం..!!
నా హృదయపు కోవెలలో ఆ జ్యోతివి నీవేగా..!! 
నీ అద్భుత కాంతులలో క్రీడించుట ఆనందం..!!
'మాధవు'డా అని పిలిచే ఓ రాధా..! రావమ్మా..!!
నీ చక్కని సొగసులలో తేలించుట ఆనందం..!!

మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు