వ్యర్ధుడనే
వ్యర్ధుడనే - నేను వ్యర్ధుడనే
బయట తిరగద్దు అని చెప్పినా తిరుగుతున్న నేను వ్యర్ధుడనే,
శత్రువునే - నేను శత్రువునే
ఆరోగ్యసూత్రాలు పాటించక అపరిశుభ్రంగా ఉన్న నేను ఈ సమాజానికి శత్రువునే,
నీచుడనే - నేను నీచుడనే
పోలీసుల సహనాన్ని పరీక్షిస్తున్న నేను నీచుడనే,
హీనుడనే - నేను హీనుడనే
తమ కుటుంబాలను విడచి దేశానికి సేవలందిస్తున్న వైద్యులను అభినందించలేని నేను హీనుడనే,
ద్రోహినే - నేను ద్రోహినే
దేశమంతా కరోనాతో పోరాడుతున్న చలించని నేను దేశానికి ద్రోహినే,
హంతకుడనే - నేను హంతకుడనే
ప్రభుత్వ నియమాలు పాటించక కరోనా బారిన పడి సమాజానికి ఈ రోగాన్ని అంటిస్తున్న నేను హంతకుడనే,
పిరికివాడనే - నేను పిరికివాడనే
ఇంట్లో ఉండి కారోనాతో పోరాడలేక బయట తిరిగి కరొనాతో చనిపోయిన నేను పిరికివాడనే.
నెలవల సహజ,
చిత్తూరు జిల్లా.
