సాక్షులు మనమే

319..
క్షణాల రెప్పల పాటకు.. సాక్షులు మనమే..!
కణాల స్వరాల ఆటకు.. సాక్షులు మనమే..!
వెలిగే మైత్రీ వేదం..వినిపిద్దామోయ్..!
మౌనపు కోవెల మాటకు..సాక్షులు మనమే..!
ఇజాల రెక్కలు తెగిపడుతుంటే..చూద్దాం..!
నిజాల పువ్వుల తోటకు..సాక్షులు మనమే..!
తెలిసీ తెలియని తనాల ముచ్చట లేదోయ్..!
జన్మల మరపుల కోటకు..సాక్షులు మనమే..!
వెళ్ళే వారూ..వచ్చే వారూ..లేరోయ్..!
పరుగిడు హంసల బాటకు..సాక్షులు మనమే..!
రాధా 'మాధవ'..క్రీడావనియే..మనసోయ్..!
కోర్కెల వెన్నెల ఊటకు..సాక్షులు మనమే..!