తెలియాలోయ్

342..
తలపులలో అవిటితనం కాల్చటమే.. తెలియాలోయ్..!
చూపులలో స్నేహధనం కురియటమే.. తెలియాలోయ్..!
మాటలతో యుద్ధాలవి..ముగిసేందుకు ఉపాయమా..!
మౌనంలో మునుగు దారి పట్టటమే..తెలియాలోయ్..!
అక్షరాల గంధంతో మాన్పవచ్చు గాయాలను..!
ప్రేమ గుండె గొంతుకతో పలకటమే..తెలియాలోయ్..!
శాంతి గగన విశ్రాంతిని అనుభవించ వేడుకైతె..
చిరు నవ్వులు ఎద పెదవుల నిలపటమే..తెలియాలోయ్..!
శ్వాస మాటు పసిడి పూల పరిమళాలు అందాలా..!
కనులు మూసి లోలోపల చూడటమే.. తెలియాలోయ్..!
ఆ'రాధా బృందావన సీమ ఎక్కడున్నదోయి..?!
ఆ''మాధవ'' హృదయంగా వెలగటమే..తెలియాలోయ్..!