మారిందో పట్టపగలు..! 

గజల్ 3795.

"అమావాస్య"లాగ ఎలా..మారిందో పట్టపగలు..! 

రామచిలుక 'మనసు' ఎలా..చెదిరిందో పట్టపగలు..! 

పరిమళించలేని తనం..చుట్టేసెను గాలులనే.. 

ఈ-చదువుల తీరు ఎలా..ఆగిందో పట్టపగలు..! 

ప్రేమకథా సాగరమే..కల్లోలము పాలయ్యెనె.. 

చిత్రమైన వలపు ఎలా..మరిగిందో పట్టపగలు..! 

చెలిమికింత వెలకట్టే..గుణమదెంత వెర్రితనం.. 

భంగపడిన డాలరెలా..కుంగిందో పట్టపగలు..!

మాస్కులేక బ్రతుకలేని..కాలమెంత విచిత్రమో.. 

చేసుకున్న పాపమెలా..పండిందో పట్టపగలు..! 

నరునికన్న వానరుడే..మిన్నకదా మాధవుడా.. 

మానవత్వమెపుడు బట్ట..కట్టిందో పట్టపగలు..!