పూవులాగ..రాలిందా!  కరోనా

గజల్ 3772.

విర్రవీగు వెర్రితనం..పూవులాగ..రాలిందా! 

'నాది-నేను' నీ చేతిలొ..లేదన్నది తెలిసిందా..! 

కక్ష సాధింపులేల..దొంగదెబ్బ లెవరిపైన.. 

మారణాయుధాలు వాడు..అవసరమే తీరిందా..! 

శాంతికొరకు పాటుపడే..సంగతెంత నాటకమోయ్.. 

ప్రాణికోటి సంరక్షణ..ఆచరణగ మారిందా..! 

ఊపిరింటి దీపముతో..ఆటలెన్ని ఆడేవో.. 

ఆ వెలుగుల నిధి చేరే..మార్గమేదొ దొరికిందా..! 

గురువులెవరు ఉన్నారట..గుప్తవిద్య నేర్పేందుకు.. 

గుట్టులెల్ల వివరించే..శ్వాసతోడు నిలిచిందా..! 

అందమైన చెలిమివనం..ఈ విశ్వం మాధవుడా.. 

వైరస్ ల మూలమేదో..పట్టుకోగ కుదిరిందా..!