చెలికాడా..!

399..
నా కోసం గగనాలే.. దిగి వచ్చిన చెలికాడా..!
నా మువ్వల ఆ తియ్యని..సిరి మెచ్చిన చెలికాడా..!
నీ జతలో ఆడాలను కోరికతో..చూస్తున్నా..!
నా పరువపు సొగసులన్నిమురిపించిన చెలికాడా..!
నీ వెచ్చని తలపు మేడ..నాదేనని తెలిపినావు..!
నా కొరకై గరిక పచ్చ భువి పరచిన చెలికాడా..!
నీ కన్నుల తడి మాటున ఉన్న ప్రేమ తెలిసెనులే..!
నా నీడగ నీ నవ్వులు పండించిన చెలికాడా..!
అక్షరాలు సాక్షులుగా జాలువారు వెన్నెలలో..
నా తోడుగ..నడచు శ్వాస మరపించిన చెలికాడా..!
ఓణీతో దోబూచులు ఆడు గాలి పరువాలకు సోకేలా..!
'మాధవు'డా..! నా ధ్యాసను వెలిగించిన చెలికాడా..!