ఉన్నదిలే ప్రతి శ్వాసన

449..
వికసించని మనసు వనం - ఉన్నదిలే ప్రతి శ్వాసన..!
కనిపించని వలపు ధనం - ఉన్నదిలే ప్రతి శ్వాసన..!
కెరటాలకు తలవంచని - తీరమెక్క డుందోయీ..!?
వినిపించని నవ కవనం - ఉన్నదిలే ప్రతి శ్వాసన..!
అలసిపోవు నీడలన్ని- అందమైన భవనాలే..!
అనుభవాల సుమరాగం - ఉన్నదిలే ప్రతి శ్వాసన..!
జన్మలన్ని వాడిపోని - పుష్పాలే తిరిగి చూడ..!
తెలుపరాని ప్రేమస్వరం - ఉన్నదిలే ప్రతి శ్వాసన..!
స్వప్నాలను దాచుకున్న- సంద్రాలను చూస్తావా..!
చిత్రమైన సంసారం - ఉన్నదిలే ప్రతి శ్వాసన..!
ఆ'రాధకు 'మాధవు'నకు - ఆలవాలమీ జగమే..!
బృందావన అను'రాగం - ఉన్నదిలే ప్రతి శ్వాసన..!

మాధవరావు కోరుప్రోలు. 
హైదరాబాద్,
https://te.wikipedia.org/wiki/కోరుప్రోలు_మాధవరావు