450..
తిండి మాట దేవుడెరుగు - త్రాగేందుకు నీళ్లెక్కడ..?!
కాలుష్యపు మంటలలో - బ్రతికేందుకు వీలెక్కడ..?!
మేధావులు మహామహులు - చేస్తున్నది ఏమిటసలు..!?
ప్రతి ఒక్కరు ఆరోగ్యం - పొందేందుకు పనులెక్కడ..?!
కొట్లుకోట్లు కోరువారికేమి - లోటు లేదు కదా..!
'ఓజోన్' పొర తూట్లు చూడ - మూసేందుకు సైన్సెక్కడ..?!
అధికారపు పెనుగులాటలేల - చెల్లిపోయేనో..?!
భూమాతను రక్షించగ - చూసేందుకు పిలుపెక్కడ..?!
లోపించిన చిత్తశుద్ధి - పూరించగ దారొకటే..!
శ్వాస పట్ల ధ్యాస నుంచ - తెలిసేందుకు మనసెక్కడ..?!
మానవుడే ''మాధవు''డను - సత్యమెరుక కావలయును..!
ఇక శాంతిని స్థాపించగ - కదిలేందుకు బరువెక్కడ..!?
మాధవరావు కోరుప్రోలు.
హైదరాబాద్,
https://te.wikipedia.org/wiki/కోరుప్రోలు_మాధవరావు
