462..
గాలమేసే వానికెట్లా - తెలియునోయీ చేప ఆకలి..!?
చేనుమేసే కంచెకెట్లా - తెలియునోయీ మొక్క ఆకలి..!?
వల్లమాలిన స్వార్థచింతన - పెరిగినప్పుడు దిక్కు తోచదు..!
బాణమేసే చేతికెట్లా - తెలియునోయీ జింక ఆకలి..!?
మనిషి ధర్మము హింస కాదని - కోటి గొంతుల పలికినా..
చంపి మేసే జాతికెట్లా - తెలియునోయీ హంస ఆకలి..!?
చదువు సంధ్యల ధ్యాస పెట్టక - పక్క దారులు త్రోక్కితే..
వలలు వేసే కంటికెట్లా - తెలియునోయీ చిలుక ఆకలి..!
స్నేహసుధనే పంచు టెరుగగ - గొడవ దేనికి మనసు లోతున..
దాడిచేసే బుద్ధికెట్లా - తెలియునోయీ ప్రేమ ఆకలి..?!
'మాధవుని'కే అంకితమవక - మాటలాడిన ఫలితమేమీ..?!
కవిత వ్రాసే కలముకెట్లా - తెలియునోయీ నవత ఆకలి..!?
మాధవరావు కోరుప్రోలు.
హైదరాబాద్,
https://te.wikipedia.org/wiki/కోరుప్రోలు_మాధవరావు
