ప్రియురాలివి నీవేలే

484..
చిరుగాలికి పాట నేర్పు సన్నాయివి నీవేలే..!
మరుమల్లెకు నవ్వనేర్పు ప్రియురాలివి నీవేలే..!
ప్రణయ మధువులూరించే నవవసంత సరసాంగీ..!
పసిడి మెరుపు విరి మొగ్గల రసరాజ్ఞివి నీవేలే..!
విరహాగ్నులు చల్లార్చే మేఘాలకు సారథివే..!
చెలిమి సరసు హాసాలకు అసలు నిధివి నీవేలే..!
ఎలకోయిల రాగాలకు స్వరములొసగు మహరాజా..!
పున్నమలకు వెలుగుసుధల మధుర సిరివి నీవేలే..!
భ్రమల కొలువు కూటంలో సరసాలకు ప్రాణమేమి..!?
శ్వాసదారి గగనమెత్తు కాంతిగిరివి నీవేలే..!
సాక్షి జలధి దాటేందుకు సాయమౌను 'మాధవు'డే..!
ఆలోచన వధువవగా..మౌనఝరివి నీవేలే..!

మాధవరావు కోరుప్రోలు. 
హైదరాబాద్,
https://te.wikipedia.org/wiki/కోరుప్రోలు_మాధవరావు