559..
ఆత్మీయ నేస్తాలకు..2016 హాపీ న్యూ ఇయర్..శుభాకాంక్షలతో..
ఉదయించే కిరణాలకు శిరసు వంచి స్వాగతాలు..!
ఎదురొచ్చే హాసాలకు మనసు పెట్టి స్వాగతాలు..!
కాలగర్భ మెక్కడుందొ..ఏ శాస్త్రం చెబుతుందట..!?
క్రొత్తదనపు చరణాలకు..కలము పట్టి స్వాగతాలు..!
అనుభవాల వేదాలకు..అనువాదాలుంటాయా..!?
మాతృత్వపు హృదయాలకు..తలపు నిలిపి స్వాగతాలు..!
గురుతత్వపు కోవెలలో తపములెవరు సలిపేరో..?!
మౌనగగన మేఘాలకు..చేతులెత్తి స్వాగతాలు..!
మంత్రించే చూపులతో..చెలిమినెవరు పంచేరో..!?
అవిశ్రాంత నేస్తాలకు..పదములంటి స్వాగతాలు..!
పండుగంటి పూలదారి చూపే ఓ'మాధవుడా'..!
నీదువేణు నాదాలకు..కనులు మూసి స్వాగతాలు..!
మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు
