చిత్రాలను ఆపలేము

@..౦౪-౦౨-౨౦౧౬ ముషాయిరా గజల్ -౦౩ // 630 //
చిగురాకుల కోవెలలో..రాగాలను ఆపలేము..!
మరుమల్లెల మనసులలో..చిత్రాలను ఆపలేము..!
ఎందుకలా నవ్వుతాయొ..కలహంసలు నన్నుచూసి..
వాటి ఎదను జరుగుతున్న కలహాలను ఆపలేము..!
ఆకసాన మేఘాలకు..గమ్యమనగ ఈ భువియే..
అది తెలిసీ తిరుగుతున్న మేఘాలను ఆపలేము..!
ఊహలోని మధువంతా..పొంగుతూనె ఉండును కద..
తనువు మరచి పనిచేసే..త్యాగాలను ఆపలేము..!
జలధులన్ని దిగదుడుపే..కంటజారు వేదనలకు..
మనసుగొడవ చాలించని..గంధాలను ఆపలేము..!
ఎవరికొరకు పూస్తున్నవి..వసంతాలు మధురముగా..
ప్రతి సుమమున ఒదుగుతున్న..అమృతాలను ఆపలేము..!

మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు