పూల తోటోయ్ మనిషికి

346..
చూడ మనసే.. మహా చక్కని.. పూల తోటోయ్ మనిషికి..!
తెలియ 'నేనే'.. పట్టి వీడని.. పూల తోటోయ్ మనిషికి..!
కోర్కె కన్నా..అగ్నిగుండం.. లేదు వెతుకగ జగతిలో..!
తలపు కోటయె..అసలు వాడని..పూల తోటోయ్ మనిషికి..!
మబ్బు మదిలో.. నిదురపోయే..మెరుపు కన్నెలు మురియగ..!
మంచు బిందువె.. మాటలాడని..పూల తోటోయ్ మనిషికి..!
ఇంద్రధనువున..వర్ణ చంద్రిక..అంద చందము..చిత్రము..!
తనువు బంధమె..విరిసి విరియని..పూల తోటోయ్ మనిషికి..!
స్నేహ గంధం.. పంచు అక్షర రాజ్యమేదో..చేరగ..!
మోహ రాశియె..కదలనివ్వని..పూల తోటోయ్ మనిషికి..!
ప్రేమ వేణువు..మీటు 'మాధవ' తత్వమేమో అందగ..!
రాధ వలపే..నిద్దురెరుగని..పూల తోటోయ్ మనిషికి..!