Profile picture for user madhavaraokoruprolu1
మాధవరావు కోరుప్రోలు
టి. ఆర్.ఆర్. టౌన్ షిప్ శ్రీ రాజరాజేశ్వరి కాలనీ, మీర్ పేట, రంగారెడ్డి
9866995085
Submitted by: మాధవరావు కోరుప్రోలు
on Sun, 10/03/2021 - 09:21

353..
చిగురుటాకు ఎద ఎదలో.. పొంగు పాటఎవ్వరిదో..!?
గింజ గుండె లయ లయలో.. మ్రోగు పాటఎవ్వరిదో..!?
మోయలేని విరహమెచట ఉన్నదోయి చెలికాడా..!
తలపు మాటు వెన్నెలలో..కురియు పాటఎవ్వరిదో..!?
తోడు కొరకు వెతుకులాట మానుకొనుట తెలియాలోయ్..!
నీడ పడని దారులలో..వెలుగు పాటఎవ్వరిదో..!?
మంచు పూల పరిమళాలు ఏ మనసుకు అందెనోయ్..!?
ఇంద్రధనువు అందెలలో..విరియు పాటఎవ్వరిదో..!?
మధుర ప్రణయ సుధా రాశి రాధమ్మకు చెప్పాలా..!?
బృందావని వలపులలో..ఒలుకు పాటఎవ్వరిదో..!?
యమునాతటి విహరించే రాధెవరోయ్ 'మాధవు'డా..?!
మరుల వేణు రవములలో..ఒలుకు పాటఎవ్వరిదో..!?

పాటఎవ్వరిదో
గజల్
మీకు రచన నచ్చితే thumbs up ఇవ్వండి.
0
ఇది కవులకు ఎంతో ప్రోత్సాహాన్ని ఇస్తుంది. వారి జాతీయ రేటింగ్ పెరుగుతుంది.
No votes have been submitted yet.