నీ తలపు

457..
ఊపిరిలో ఊపిరికే - వగంధం - బంధించెను యుగాలుగా..!
స్నేహవీచి రాగాలకు - మెరుగుపూస నీ తలపు..!
విరహమెంత, ఏకాంతపు వనసీమన చేరినంత..!
సొంతగూటి వాసనలకు - విరుగుపూస నీ తలపు..!
మరగిపోవు వలపులతో - కలహాలకు దిగనేలా..?!
దరహాసపు వెన్నెలలకు - మంచుపూస నీ తలపు..!
పరుగుతీయు పవనాలను - నిలపాలను కోరికేమి..?!
ఋతుశోభల పరువాలకు - మరుగుపూస నీ తలపు..!
చినుకువేణు రవములలో - క్రీడించే ''మాధవుడా''..!
మేలుకొల్పు వేకువలకు - చిగురుపూస నీ తలపు..!

మాధవరావు కోరుప్రోలు. 
హైదరాబాద్,
https://te.wikipedia.org/wiki/కోరుప్రోలు_మాధవరావు