4563..గజల్..శ్రీకృష్ణ జన్మాష్టమి శుభాకాంక్షలతో.. ????♂️????????
ఎంతల్లరి గా'డంటే..చెప్పలేను ఓ గజలున..!
మాధవుడే మాయ'గాడు..పొగడలేను ఓ గజలున..!
ఏమి బాలుడో ఏమో..పుట్టినాడె చెఱసాలన..
ఎన్ని చెఱలు వదిలించెనొ..పలుకలేను ఓ గజలున..!
పూతన శకటాసుర..కంసులనే దునిమెనె నాడే..
కాళియమర్థన చేసెనెట్లొ..తెలుపలేను ఓ గజలున..!
వెన్న దొంగిలించినాడొ..మన్నే తిని నవ్వినాడొ..
లోకాలను నోట చూపె..పట్టలేను ఓ గజలున..!
నరకాసురు నరకకనే..సంహారము చేసినాడె..
'నేను సత్య'నన్న దెవరొ..అందలేను ఓ గజలున..!
పుట్టుకతో ఎఱుకమీర..జన్మించిన జనార్థనుడె..
నరరూప నారాయణుడె..తూచలేను ఓ గజలున..!
భక్తితులసి దళములకే..తూగినాడె రుక్మిణెవరొ..
భగవద్గీతా సారము..పాడలేను ఓ గజలున..!
మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు
