ముదిమి ఈడు

ముదిమి ఈడు

కూటికి కరువైన - నీ కడుపును కాల్చానా

నేడు కలిమికి కర్తవైన - నేను కానరాక కష్టమయ్యానా,

సర్వ సంపదలు అంతరించిన-  నీ సమృద్ధికి స్వస్తి పలకాన

నేడు సంపదతో తులతూగుతున్న - నేను సమస్యగా మరానా,

భారమైన బతుకు లాగలేకున్నా -  నీ భవితను బీడు చేశానా

నేడు భాగ్యవంతుడవైనా -  నేను భరించలేని భారమయ్యానా,

చెమటధారలు కారుతున్న - చిన్నలోటు నీకు చేశానా

నేడు చక్రవర్తిలా చలామణిఅయిన - నేను చిమ్మటగా మారానా,

జాగులేకుండ జాగాన్ని వదిలి జడివేగంతో జారుకోవాలనుకున్న జరిగేది అనుభవించడం తప్ప జరగబోయేది మార్చగలనా .

నెలవల సహజ,

చిత్తూరు జిల్లా.