కవితలు

శీర్షిక: మూడుముళ్ల బంధం 

మనసును శిలగా చేసి

ప్రేమను మేఘంలా కరిగించి

తేలిపోతావా?

వెన్నెల దారుల్లో

చుక్కల వనంలో

చేసిన బాసలు మర్చిపోతావా?

మాటకు విలువ కట్టి

మనసును వెలకట్టి

తూకం వేస్తావా?

స్వప్నంలో చిరు శ్వాసను సైతం

ఊపిరిగా చేసుకున్న ప్రాణం నీది కాదంటావా?

విడిపోవటానికి భూమిలో భాగాలు కాదు

దేహంలోని ప్రాణాలు అవి!

కలిసి కట్టుకున్న ఆశల సౌధాలు...

బళ్ళుమనే గాజు ముక్కలు చేసి

నీదారి నువ్వు చూసుకుంటావా?

బంధమంటే బాధ్యత కాదు

బలపడే దమనుల స్వరం!

శీర్షిక : కట్టెల పొయ్యి 

కణకణమనే మంట 

అనాదిగా ఆకలి తీర్చే వంట

దేహాలు మారినా

జీవాన్ని నడిపించే సాధనమంట

తరతరాల సంపద అంట!

ఊపిరి సలపని పొగతో

కళ్ళల్లో కడలి పోటు రేపిన 

గుండెలవిసేలా ఊదిన 

రాజుకోనిమంట!

ఎగిసేనో కుండలన్నీ మసికి ఆహుతి అంట!

నాలుగు కట్టెలను పొయ్యిలో పెడితే 

తీరేను కడుపుమంట!

వెలిసిన బ్రతుకులకు తార్కాణంగా

ఇంటి చూలకు పట్టి ఉయ్యాలలూగే బూజులతో

చితికిన జీవితానికి నిదర్శనమై 

గోడల మీద నిలిచిన నల్లటి చిత్రాలు!

శీర్షిక:అమ్మ ఎందుకు పారిపోవాలి?

జీవం పోసుకున్న నేలపై

పెంచుకున్నా అభిమానం 

హక్కు అనే ఆయుధంతో

స్వేచ్ఛగా ఎగురుతున్న పక్షులకు

 గూడు చెదిరిపోతే....

పాముపడగలో జీవితం చిక్కుకుపోతే!

ఎటు పోవాలో దిక్కు తోచక

అల్లాడిపోతున్న ప్రాణాలవి!

తల్లి ఆవేదన చూసి బిడ్డ మదిలో

 అంతుచిక్కని సందేహాలు! 

ఇది మన ఇల్లే కదమ్మా!

 మనకు ఎందుకు భయం?

బూచిని కొట్టేందుకు నాన్న ఉన్నాడుగా...

లోకం తెలియని పసితనం

అమాయకంగా అడుగుతున్నా ప్రశ్న!

ఆ మాట విన్న తల్లి హృదయం

శీర్షిక: నీ హక్కే నీ ఆయుధం

అవినీతిపై ఉక్కుపాదం మోపే అవకాశం 

అన్యాయాలను ఎండగట్టే శంఖారావం

ప్రజల చేతిలో బ్రహ్మాస్త్రం అని మురిసి

మేధావుల కృషితో ముస్తాబైన ముసాయిదా!

పాలనలో పారదర్శకత అంటూ

భావప్రకటన హక్కు కావాలంటూ

బలవంతుల వాదనలతో

సామాన్యునికి ఒసిగిన వరం!

అయినా ఏమి లాభం?

ఎన్నో సడలింపులు నడుమ

లోసుగుల గతుకులకి అతుకులు వేసినట్టు 

తుమ్మితే ఊడిపోయే ముక్కులా వెలసిన చట్టం!

ప్రశ్నించే ప్రాణాలను బలిగొన్న శాస్త్రం

కనిపించని అన్యాయాలకు దొరికిన అస్త్రం 

శీర్షిక : ఆత్మఘోష 

చుట్టూ చీకటి కమ్ముకున్న 

 ఆ గదిలో ఒక మూల

జ్యోతి ప్రజ్వలిస్తుంది

కనబడని ములుగు ఒకటి వినిపిస్తుంది!

రక్త సంబంధీకులు,

 స్నేహితులు, ఆప్తులు

బోరున విలపిస్తున్న శబ్దం విని 

దేహం విడిచిన ఆత్మ 

భారంతో రోధిస్తున్నది!

ఓదార్చే ధైర్యం లేక

తనివితీరా వీడ్కోలు చెప్పే వీలు లేక

తను తిరిగిన నటిల్లు

శోకసంద్రంలో మునగటం చూడలేక  

ఆ మూల నక్కినక్కి ఏడుస్తుంది!

నవ్వుతూ ఆహ్వానించే వీధి గుమ్మం

వెక్కి వెక్కి ఏడుస్తుంది!

 మిడిల్ క్లాస్ బ్రతుకులు !

డబ్బులు చెట్టు మొలిచినట్టు
కోట్లలో ఖుషి అయిన జీవితం
బ్రతుకు మీద భయం లేక
రేపు అన్న బెంగ రాక
లెక్క డొక్కా లేని బ్రతుకులు !
విడిచిన బట్ట కట్టక
తినటానికి తీరుబడి లేక
దాచిన సొమ్ము లెక్క పెట్టలేక 
నల్ల సొమ్ము విముక్తికి దానం చేసే కర్ణుడు
కలియుగ దైవంగా కొనియాడే కోటీశ్వరుడు!

చీకటిని చూసి జడుచుకుంటున్న ఇంటి గుమ్మాలు!

 చీకటి దుప్పటి కప్పుకొని
వెన్నెల రాగాలను వింటూ
నిద్రపోతున్న పసిపాపకు
కాలరాత్రి కథలు ఏమి తెలుసు!

అమ్మ చెట్టు నీడలో
హాయిగా నిద్ర పోయే పక్షి కూనకి  
రాక్షసత్వం నింపుకున్న నాన్న గాలి
ప్రాణం తీస్తుంది అని ఏమి తెలుసు?

పగలు జాబిల్లి రేయి సూరీడు
గమనాలు మార్చారా
నింగి నేల తలకిందులయ్యాయా 
మృగాలతో  మనుషులు సహజీవనం చేస్తున్నారా
ఎక్కడ జరిగింది పొరపాటు
సృష్టి ధర్మం మారలేదు కదా !

 శీర్షిక:లోకం తెలియని పసితనం!!

అన్యం పుణ్యం ఎరుగని పసితనం

మంచి చెడు తెలియని కుర్రతనం

స్వచ్ఛమైన మంచినీటిలా 

ఏ పాత్రలో పోస్తే అదే దాని ఆకారం!

వీచే గాలిలా పూచే పువ్వులా

కల్మషం అంటని పసి హృదయం!

చూసేదే సత్యమని

విన్నదే నిజమని 

అమ్మ నాన్నల అడుగులే మార్గమని

అనుకరించే అమాయకత్వం!

అవసరానికి ఆర్భాటానికి తేడా తెలియక

స్నేహంలోని చిలిపితనాన్ని

కొండ మీద కోతి నైనా

కోరుకునే మొండితనాన్ని

ఆకళింపు చేసుకునే వెర్రితనం !

చిన్న చిన్న తప్పులే చేతాడంతై 

శీర్షిక: బొమ్మా బొరుసుల బంధం!!

ఓ చిరునవ్వు బంధానికి తొలిమెట్టుగా

ఒక ఆత్మీయ పలకరింపు

 తెలియని బంధంతో కట్టిపడేస్తుంది!

ఒక పేగు పంచుకోక పోయినా

ఇంటిపేరు కలుపుకోక పోయినా

స్నేహమనే చెట్టు మొలుస్తుంది!

మాటలతో మాలలు అల్లుకుపోయి

అనుబంధపు ముడిని బిగిస్తుంది

రుణానుబంధం పాసమై

 ఆత్మీయతను కురిపిస్తుంది!

మరో పరిచయం నీడలా వెంటాడి

పతనం వైపు పరుగులు పెట్టిస్తుంది

నీతి నియమాలు నిజానిజాలు మరిపిస్తుంది

నియమాలను బంగపరుస్తుంది!

ఏది ఏమైనా పిలుపు ఏదైనా

శీర్షిక: ప్రారబ్దం 

వస్తున్నా వస్తున్నా
కలి కాలపు కర్మలకు
ఫలితాన్నే వస్తున్నా
మృత్యువునై వస్తున్నా...!

పంచభూతాల సాక్షిని
పంచనామా చేస్తున్న
దిగజారుడు చేష్టలకు
సమాధానమే వస్తున్నా!

చరిత్రను చెదలు పెట్టించి
చంద్రమండలంలో  చేరాలన్న
స్వార్ధపు ఆటకి చెక్ పెడుతున్న
నీచమైన రాజతంత్రలా నడుమ నలుగుతున్న
ధరణి రక్షణకై కదం తొక్కుతున్న!

నరజాతి నాస్తికత్వానికి విసిగి
ధర్మ స్థాపనకై ఎదురుచూస్తున్నా!
మానవత్వపు రుచిని 
గుర్తు చేయటానికి చూస్తున్నా!