కోటినెవరు చూపగలరు..! 

గజల్ 3688.

కణకణమున వెలుగుదీప..కోటినెవరు చూపగలరు..! 

పరమాద్భుత శ్రీ 'శార్వరి'..దీప్తినెవరు చూడగలరు..! 

మన భారత సంప్రదాయ..సంస్కారమె మహోజ్వలం.. 

ఈ సంస్కృతి కల్పతరువు..శక్తినెవరు తెలియగలరు..! 

రహస్యాలు వివరిస్తే..హేళనయే బహుమానం.. 

సహనముతో ఫలములంద..భక్తినెవరు నిలుపగలరు..! 

మంత్రతంత్ర విద్యలు సరె..సంకల్పం మాటేమిటి.. 

చిత్తశుద్ధి లేని మతికి..బుద్ధినెవరు పెంచగలరు..! 

అందరికీ వందనాలు..మేలన్నది తెలిసెనెపుడు.. 

ఆది పరాశక్తి కురియు..కాంతినెవరు అందగలరు..! 

మూలమైన 'శ్వాసమీద..ధ్యాస'నుంచుటెంత సులువు..

మాధవుడా పట్టుబట్టి..ముక్తినెవరు ఇవ్వగలరు..!