బంగారూ

577 //
పైరుపచ్చ పరికిణితో ముద్దొచ్చే బంగారూ..! 
పొలం పనికి అంకితమై చెమటోడ్చే బంగారూ..!
పదోక్లాసు వరకు చదివి వ్యవసాయం చేసేవా..!
వారేవా తండ్రినెరిగి సాయమయే బంగారూ..!
ఈల వేస్తు బండితోలు నీకెందుకు చర్నకోల..!?
అసలు సిసలు అమ్మ మనసు నీదేలే బంగారూ..!
ప్రకృతి తోటి సహచర్యం ఇష్టపడే నా మరదల..! 
ఆకుపచ్చ ఓణీలో అలరించే బంగారూ..!
కన్నతల్లి కష్టంలో పాలుపంచుకుంటావే..!
సంకురాత్రి లక్ష్మిమల్లె ఎదురొచ్చే బంగారూ..!
ఆ'మాధవ' పూజసేయు సుమకోమలి నీవేగా..!
నా ఆశలు సర్వస్వం పండించే బంగారూ..!

మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు