మెరవడం కష్టమే

@28-01-2016..ముషాయిరా గజల్..-01.// 611 //
సత్యమౌ వాక్కులా..మెరవడం కష్టమే..?!
నిత్యమౌ శాంతిలా..మిగలడం కష్టమే..?!
మాటలా మౌనమై.. ప్రవహించ లోకాన..
తేనియల మబ్బులా.. మారడం కష్టమే..!?
మాటయే మౌనమై..దారినే చూపెనా..!
ప్రతి తలపు బట్టలా..ఉతకడం కష్టమే..!?
గాలిలో దీపమే..కాదుగా ఈ బ్రతుకు..!
నిప్పుకే శ్వాసలా..ఒదగడం కష్టమే..!?
కాలమే చిత్రమౌ..శిల్పమే చూడగా..
గంధమే నీడలా తొలగడం కష్టమే..!?
ఈ తనువు తోటలో..చీకటే లేదుగా..
మెరుపుకే మేడలా.. నిలవడం కష్టమే..!?
'మాధవా'..! కావుమా..అంటావె..మానవా..!
నీ శక్తి వెలుగులా..కురవడం కష్టమే..!

మాధవరావు కోరుప్రోలు
హైదరాబాద్
https://te.wikipedia.org/wiki/కోరుప్రోలు_మాధవరావు