భావానికి అక్షరరూపం by Amaravati Rajasekhar Sharma (CRTL కవితల పోటీ 2021)

భర్తను వదిలి ఉండలేను
అలాగని వెళ్ళకు మని చెప్పలేను
అది రామ సేవన
ఇది ప్రేమ భావన
ప్రేమ ఒక భాగం
రాముడే సర్వస్వం తనకు ..
పరమాత్మ చింతనకు నేనెందుకు అడ్డు
అలాగని ఒంటరిగా...
ఆ ఊహకూడా తట్టుకోలేను
అన్ని సమసీయలకు నిద్రమత్తు
తల్లి లాలన లాంటిది
హాయిగా నిద్రిస్తే
అదోమరో తెలియని లోక విహారం
ఆ వరమడిగేస్తే....
చాలు
ఊర్మిళాదేవి నిద్రగా
చరిత్రలో నిలిచిపోనా
కాలాన్ని తెలియకుండా గడిపేయనా
కలలో నావాడితో
కలిసైనా ఉంటా

       అమరవాది రాజశేఖర శర్మ