లోకంలో మంచి స్నేహితుడూ ఉన్నాడు

మేలు చేయు స్నేహితుడు గాయము చేయును పగవాడు లెక్కలేని ముద్దులు పెట్టును

మోసపూరితమైన ఈ లోకంలో 

మానవత్వం ఉండదనుకున్న ,

స్వార్థపూరితమైన ఈ సమాజంలో

సమాధాన పలకరింపు ఉండదనుకున్నా,

ద్రోహంతో నిండిన ఈ జగంలో

దాహం తీర్చే చేయి ఉండదనుకున్నా,

కపటంతో నిండిన ఈ ప్రపంచంలో

కమ్మని ఆదరణ దొరకదనుకున్నా,

ముద్దుపెట్టి కీడుచేసే పగవాల్లే ఉన్న ఈ విశ్వంలో

గాయపరిచి మేలు చేసే మిత్రుడు ఉన్నందుకు సంతోషిస్తున్నా. 

మీ అందరికీ అలాంటి మిత్రుడు దొరకాలనుకుంటున్న .

నెలవల సహజ,

చిత్తూరు జిల్లా.